病毒眼下人人平等。美國硬漢荷里活巨星狄維莊遜星期三（2號）於社交平台Instagram宣布自己、妻子及兩位女兒均確診新型冠狀病毒病肺炎（COVID-19）。
（狄維莊遜IG）
狄維莊遜表示今次係佢哋一家人所經歷過最具挑戰性同困難嘅事，指自己個人曾受過重傷同身無分文，但都比唔上今次挑戰：「因為我現在人生的首要任務就是保護家人」不過佢透露依家全家人狀況良好，一家早前一直維持自我隔離，佢哋依家自身亦唔再有傳染性，同時佢好慶幸兩名年幼女兒嘅病徵輕微。
（狄維莊遜IG）
（狄維莊遜IG）
而佢相信自己係經由深受信任嘅親朋好友感染，佢嘅朋友亦為此感到沮喪。狄維莊遜呼籲大家面對疫情時要嚴於自律，增強自身免疫系統、保持健康及戴口罩去保護家人，亦應嚴格禁止室內聚會，保持樂觀態度，同時也希望大家都能保持健康。
（狄維莊遜IG）
狄維莊遜（又稱The Rock）被視為史上最偉大的摔角選手之一，「爆肌」壯漢形象深入民心，打WWE出身嘅佢2002年參演首部電影《盜墓迷城外傳：蠍子王傳奇》開始為電影業界熟知，此角色片酬達550萬美元，創下出演處女作片酬最高嘅世界紀錄。之後亦參演多部電影，其中以《加州大地震》、《高凶浩劫》最為港人熟悉。
（網上圖片）
撰文：黃蘊姿
September 02, 2020 at 09:18PM
https://ift.tt/31Ru5cc
【新冠肺炎】「The Rock」狄維莊遜自爆中招妻子及兩女同確診:自律保護家人- 晴報- 娛樂- 中港台 - 晴報 Sky Post
https://ift.tt/3daqubJ
No comments:
Post a Comment